你聽過「一人一故事劇場」未呀？「一人一故事劇場」係一種互動嘅劇場形式，喺劇場入面，觀眾可以分享自己嘅故事，而演員就會即興將呢啲故事演繹出嚟。

你知唔知，其實你唔單止可以做觀眾 —— 你仲可以成為「一人一故事劇場」嘅表演者！即係話，你都可以透過即興表演，「演活」其他人嘅人生故事，同佢哋建立連結！

我仲特登準備咗一條片介紹呢種咁特別嘅劇場形式。呢條片係蓬瀛仙館大埔長者鄰舍中心嘅長者參加「一人一故事」工作坊嗰陣嘅表演片段嚟！如果你有興趣試下，快啲嚟一齊體驗啦！